შენი პატარა ხელების სითბოს
როდის შეიგრძნობს ეს გული ნეტავ
ლექსით გადმოვცემ მე იმ სიხარულს
რასაც წინასწარ განვიცდი, ვხედავ.
მინდა ჩაგიკრა პატარავ გულში,
მალე, სულ მალე დაგკოცნო წუთში.
ნეტავ ვინა ხარ გავიგო მინდა,
სხარტად დაძვრები შენ ჩემს მუცელში.
დავკოცნო მინდა შენი ხელები,
პატარა თათებს მოვეალერსო
შენ ჩემი გულის დიდი სხივი ხარ
ამიტომ გიხმობ, მალე გაგიცნო.
მე უკვე მიყვარს პატარა თათი,
მუცელზე უცებ, რომ იბერება
მე, რომ დაგიჭერ და გეფერები
შენი დანახვა მიტომ მჭირდება.
| 
